HOME - FESCOM

दिनांक २८/०१/२०१८ रोजी फेस्कॉमच्या विशेष सर्वसाधारण सभेने
मंजूर केलेली सुधारित घटना
महाराष्ट्र ज्येष्ठ नागरिक महासंघ (फेस्कॉम) चे ज्ञापन
१) नांव : ‘महाराष्ट्र ज्येष्ठ नागरिक महासंघ’ असे आहे, ज्याला पुढे फेस्कॉम महाराष्ट्र (Federation of Senior Citizens Organisation of Maharashtra) असे संबोधिले आहे. सदरची संस्था पुढील तपशिलांत नमूद केलेल्या ध्येय व उद्दिष्टे साध्य करण्यासाठी स्थापण्यात आली आहे.
२) नोंदणीकृत कार्यालय : फेस्कॉमचे नोंदणीकृत कार्यालय मुंबईत राहील, हे नोंदणीकृत कार्यालय मुंबईत ज्येष्ठ नागरिक भवन, जुनी गांवदेवी मंदिरामागे, सेक्टर १२, नेरुळ (पश्चिम) नवी मुंबई- ४००७०६ येथे राहील.
२.१ प्रशासकीय कार्यालय नियामक मंडळ निर्णय घेईल त्या ठिकाणी असेल, प्रशासकीय कार्यालय नोंदणीकृत कार्यालयातच वरील पत्त्यावर आहे.
२.२ प्रादेशिक विभागीय कार्यालये, जिल्ह्याचे ठिकाणी, तर स्थानिक ज्येष्ठ नागरिक संघांची कार्यालये त्या त्या ठिकाणच्या विरंगुळा केंद्रात असावीत. जेथे ज्येष्ठ नागरिक संघांच्या मालकीच्या स्वतःच्या इमारती आहेत, तेथे हा नियम लागू असणार नाही. समन्वय समित्यांच्या कार्यालयांना हा नियम लागू राहील.
३) ध्येय व उद्दिष्टे : फेस्कॉमची ध्येये व उद्दिष्टे खालीलप्रमाणे आहेत.
अंगीकृत उद्दिष्टे : महाराष्ट्रातील ज्येष्ठ नागरिकांच्या आणि त्यांच्या संघांच्या समग्र कल्याणकारी उपक्रमांचे एका नेतृत्वाखाली एकीकरण व सुदृढीकरण करणे, आणि ज्येष्ठांचे बहुमोल ज्ञान आणि प्रगाढ अनुभव, प्रगल्भता, चैतन्य आणि कौशल्य, यांचा एकूण समाजाच्या, आणि विशेषत्वाने ज्येष्ठ नागरिकांच्या कल्याणासाठी उपयोग करुन घेणे.

३.१. समाजाचे आदरणीय व सन्माननीय सदस्य असल्याची जाणीव निर्माण व्हावी, या हेतूने निरनिराळ्या योजना व कार्यक्रमांचे माध्यमांतून ज्येष्ठ नागरिकांच्या जीवनमानाची प्रतिष्ठा व गुणवत्ता सुधारणे व यथास्थित ठेवणे.
३.२ वृद्धांच्या कल्याणात आणि / अथवा संबंधित वृद्धत्वविज्ञान, व वृद्धत्व रोग चिकित्सा, यांच्या सर्व शाखांमध्ये रस असणारे व त्याला समर्पित अशा सर्व संस्था व संघटना, क्लब, मंडळे यांना राज्य पातळीवरील एका संस्थेच्या छत्राखाली आणणे व त्यांचा प्रतिनिधी म्हणून कार्य करणे व सर्व बाबतीत त्यांचे हितसंबंधात समन्वय साधणे, एकस्तर करणे, वृद्धिंगत करणे व त्यांना संलग्न करुन घेणे.
३.३ ज्या – ज्या ठिकाणी अशा संघांच्या निर्मितीसाठी अनुकूल परिस्थिती अस्तित्वात असेल, अशा सर्व ठिकाणी वृद्धांच्या कल्याणाला समर्पित संघ/संस्था/क्लब/मंडळे स्थापन करण्यासाठी व चालविण्यासाठी आर्थिकसह सर्व मार्गानी व साधनांनी सहाय्य करणे.

KNOW MORE

ॐ सर्वे भवन्तु सुखिनः । सर्वे सन्तु निरामयाः ।
सर्वे भद्राणि पश्यन्तु । मा कश्चिद दुःख भाग्भवेत् ।।
ॐ शान्तिः ॐ शान्तिः ॐ शान्तिः

ॐ पूर्णमदः पूर्णमिदं पूर्णात पूर्ण मुदच्यते ।
पुर्मस्य पूर्णमादाय पूर्णमेवाव शिष्यते ।।
ॐ शान्तिः ॐ शान्तिः ॐ शान्तिः

साने गुरूजी प्रार्थना

खरा तो एकचि धर्म जगाला प्रेम अर्पावे ।। धृ. ।। ३ वेळा
जगि जे हीन अति पतित
जगी जे दीन पद दलित
तया जाऊनी उठवावे, जगाला प्रेम
अर्पावे ।।१।।
जयांना कोणी ना जगती,
सदा जे अंतरी रडती
तया जाऊनी सुखवावे, जगाला प्रेम अर्पावे ।।२।।
कुणा ना व्यर्थ शिणवावे,
कुणा ना व्यर्थ हिणवावे,
समस्ता बंधु मानावे, जगाला प्रेम अर्पावे ।।३।।
प्रभुची लेकरे सारी
तयाला सर्व ही प्यारी
कुणा ना तुच्छ लेखावे, जगाला प्रेम अर्पावे ।।४।।
असे जे आपणापाशी
असे जे वित्त वा विद्या
सदा ते देतजी जावे, जगाला प्रेम अर्पावे ।।५।। ३ वेळा
खरा तो एकचि धर्म जगाला प्रेम अर्पावे ।। धृ.।।

|| पसायदान ||

आतां विश्वात्मकें देवें। येणे वाग्यज्ञे तोषावें ।
तोषोनि मज द्यावें । पसायदान हे ।।
जे खळांची व्यंकटी सांडो । तया सत्कर्मी रती वाढो।
भूता परस्परे जडो । मैत्र जीवांचे
दुरितांचे तिमिर जावो । विश्व स्वधर्म सूर्येपाहो ।
जो जे वांछील तो ते लाहो। प्राणीजात ।।
वर्षत सकळ मंगळी । ईश्वर निष्ठांची मांदियाळी ।
अनवरत भूमंडळी । भेटतु भूतां ।।
चला कल्पतरूंचे आरव । चेतना चिंतामणीचे गाव बोलते जे अर्णव । पीयुषांचे ।।
चंद्रमे जे अलांछन । मार्तंड जे तापहीन । ते सर्वा ही सदा सज्जन । सोयरे होतु ।।
किंबहुना सर्व सुखी । पूर्ण होऊनी तिन्ही लोकी ।
भजि जो आदी पुरूखी । अखंडीत ।।
आणि ग्रंथोपजीविये । विशेषी लोकी इये ।
दृष्टादृष्ट विजयें । होआवे जी ।।
येथ म्हणे श्रीविश्वेश्वराओ । हा होईल दान पसावो

संत ज्ञानेश्वर